Arestado ang isa ka balo nga mister matapos ginserbihan sang mandamiento de aresto sa kaso nga murder sa Barangay Lagdungan, Tapaz, Capiz.
Ginkilala ang akusado kay Romy Palomar Cerbas, 59-anyos, kag residente sa nasambit nga lugar.
Ang warrant of arrest gin-isyu kag pirmado ni Honorable Judith D. Orendain-Tonogbanua, PresidingJudge, RTC 6, Branch 20, Mambusao Capiz napetsahan Hulyo 9, 2019.
Natigayon nga naaresto si Cebas pinaagi sa gintingub nga pwesa sa pagpanguna sang Tapaz Municipal Police Station, Sigma MPS tracker team, 602nd Coy, Regional Mobile Force Batallion 6, kag Capiz PPO.
Sa karon, nagapabilin ini sa kostudiya sang Tapaz PNP para sa nagakaigp nga disposisyon.
