BALHOG sa selda sa Lagao Police Station ang usa ka lalaki human nga gireklamo sa usa ka konsehal sa pag isturbo kanila sa kagabhion.
Subay sa talaan sa presento tres, nakadawat og tawag ang Lagao PNP gikan sa usa ka panimalay sa subdivision, nagareklamo kay may usa ka lalaki nga sumala pa nakainum unya naga singgit sa gawas sa balay.
Ang reklamante usa ka konsehal sa munisipyo sa Malungon, Sarangani Province nga nagpuyo sa Alphine Ville Subdivision ug ang ginareklamo residente gihapon sa lugar.
Daling girespondihan sa kapulisan ang reklamo ug gikostudiya si alyas Boy, 29-anyos, ulitawo ug walay trabaho.
Ginahulat lang sa imbestigador kon mopasaka gayud ug pormal nga reklamo ang tagbalay. I Ver Diazon
