CEBU -Mipadangat ug pahasubo ang Mayor sa lungsod sa Sta Fe nga si Mayor Ithamar Espinosa sa pamilya sa 32-anyos nga babaye nga namatay human naigo sa ‘sting’ sa bokya o jelly fish samtang naligo sa kadagatan barangay Pooc, Sta. Fe.
Matud ni Staff Sergeant Richie Gapo, Investigator on Case sa Santa Fe Police Station, dead on arrival sa tambalanan ang biktima nga si Leslie Ann Madronero, nga taga Valencia, Bohol.
Tungod niini, gipasalig ni Espinosa nga mohimo sila ug mga pamaagi aron malikayan ang susamang insidente.
Samtang si Dr. Allan Poquita, Regional Director sa Bureau of fisheries and Aquatic Resources Central Visayas, nibutyag nga ting-season gayud karon sa jellyfish o bokya.
Ang box jellyfish usa ka matang sa bokya nga isog og toxin ug responsable sa daghang mga kaso sa pagkamatay, dili lang dinhi sa Pilipinas kundili lakip na usab sa ubang mga nasud.//
