NAGA CITY- Wala pang ibinababang direktiba ang bagong kalihim ng Department of Agriculture (DA) na Francisco Tiu Laurel Jr. para sa Bicol Region. Gayunpaman prayoridad ng bagong kalihim ang modernisasyon at produksyon sa pagsasaka at pangingisda.
Sa panayam ng Brigada News FM Naga kay Love Guarin, Information Officer ng DA Bicol, sinabi nitong nais ni Laurel Jr. na pataasin ang produksyon upang mabawasan ang pagdepende sa importasyon.
Sa Camarines Sur , 86, 000 metriko tonelada ang ani ng palay nitog Oktubre habang mayroon na kaagad 55,000 metric tons ngayong Nobyembre. Paborable rin aniya sa mga magsasaka ang presyo ng fresh palay.
Hinikayat nito ang mga nasa sektor ng agrikultura na magparehistro upang nakakabilang sa mga asistensya ng pamahalaan.
