Ginsapinal eun it Department of Social Welfare and Development (DSWD) ag Department of the Interior and Local Government (DILG) ro bag-o nga sistema sa pagpanupod it educational cash assistance.
Ginsiguro nanda nga mas maging madali ag organisado ro pagta-o it cash aid sa mga ginikanan ag estudyante sa masunod nga Sabado.
Ginkumpirma man it DSWD nga indi sanda magbaton it mga walk-in applicants ag dapat anay mag-apply online sa website nga i-post it mga LGUs sa bieog nga rehiyon.
Ro DSWD ro maga-assess kung sin-o ro kwalipikado nga makabaton it ayuda agud malikawan ro pamulitika.
Samtang raya ro proseso sa aplikasyon sa student aid:
1. Mag-register sa website nga ginta-o it LGU.
2. Matapos makabaton it QR code o confirmation text message, mag-adto sa payout center sa gintaeana nga schedule.
3. Magdaea it Certificate of Enrollment o bisan ano nga valid ID./JIL B. LACSON
