NAGA CITY- Tatlong pamilya sa Barangay San Francisco, Bula, Camarines Sur ang inilikas dahil sa paggalaw ng lupa, kung magiging sunod-sunod pa ang pag-uulan may posibilidad ng landslides.
Ito ang kinumpirma sa Brigada News FM Naga ni Joseph Antioquia ng Municipal Risk Reduction and Management Office. Ang mga pamilya ay hindi na muna pinababalik sa kani-kanilang tahanan dahil delikado sa lugar. Inabisuhan na ring mas mabuti kung lumipat na ng matitirahan lalo pa’t tag-ulan na.
Tulad nang nangyari sa La Victoria, mas marami ang maapektuhan kung malaki ang pagguho ng lupa, binigyan na ang mga residente roon ng lugar na mapaglilipatan.
Ayon kay Antioquia , nakiusap sila sa barangay council ng San Francisco na hintayin muna ang MDRRM kung papayagan na makabalik ang mga residente.
