GIPANGHINAUT ni Kagawad Atty.Jose Edmar Yumang nga mapasa na ang amenda sa organizational structure alang sa dugang bag-ong posisyon sa incoming vice mayor’s office.
Nasayran nga unom ang gidugang nga posisyon sa buhatan sa mulingkuray nga bise mayor gikan sa kasamtangang 13.
Upat ka executive assistant 4 ug duha ka executive assistant 2 ang gidugang samtang ang tanang konsehal ang gidugangan og tag usa ka executive assistant 2.
Dugang pa ni Yumang nga may supplemental budget number 3 alang sa gidugang nga posisyon nga mokabat sa P7 million.
Anaa na sa second reading ug nanghinaut si Yumang nga mapasa na kini asa hangtud sa June 20 na lang ang ulahing regular session aron kini matuki.
Gitino niini nga kinahanglan ang maong dugang posisyon sa vice mayor’s office tungod daghan na ang populasyon sa GenSan ug nagkadaghan usab ang mga atubangong problema nga angayang resolbahon.
