Nag abot sa 769 ro nadugang nga panibag-ong kaso it covid-19 sa Western Visayas.
Base sa datus it Department of Health Region 6, as of September 11, 2021, nagpanguna gihapon ro Iloilo Province nga nakalista it 228 nga new cases; 149 sa Negros Occidental;142 sa Iloilo City; 148 sa Bacolod City; 21 sa Antique; 27 sa Guimaras; 13 sa Aklan; ag 41 sa Capiz.
Sa makarun, kapin eon sa 14,354 ro total active cases sa Region 6 as of September 11.
Samtang, pito man ro nadugang sa mga namatay nga umabot sa 2,683 ro total reported deaths.
Kapin sa 96,450 ro total reported recoveries matapos nadugangan it 586 nga nagmayad sa covid-19. / ANN DESLENE SALAZAR
