PATAY na dihang nakaplagan ang usa ka bata nga bag-ong himugso sa usa ka bakanteng lote nga nahimutang sa Purok Paglaum, Barangay Upper Klinan, Polomolok, South Cotabato alas 6:35 sa buntag Dominggo, Pebrero 5.
Sa report sa Polomolok MPS, nasayran nga una ng nakadawat ug tawag ang kapulisan gikan sa usa ka driver nga si Nelson Villacencio nga nagpahibalo kalabutan sa nakit-ang patay nga bata hinungdan gilayong girespondehan sa otoridad. Subay sa imbestigasyon, bandang alas 4:30 sa buntag adlawng Domingo nadunggan matud pa sa maong driver ang motorsiklo padulong sa ilang lugar sa dihang gilili niini sa bintana iyang nakit-an nga mihunong ang motorsiklo atubangan sa iyang panimalay sakay ang usa ka lalaki ug usa ka babaye nga nagbitbit ug cartoon ug cellophane dunay sulod nga mga senina ug gibilin sa bakanteng lote dayon sibat palayo sa lugar.
Aron nga mahibaw-an unsay sulod sa maong karton nga gibilin giadtoan dayon sa driver ug sa iyang pag-abli dako na lamang ang kakurat niini gumikan iyang nakita ang usa ka bag-ong himugso nga bata nga gisulod sa cartoon ug gihapinan ug bed sheet nga wala nay kinabuhi.
Samtang bandang alas 8:00 ang takna sa buntag sa susamang adlaw dihang na-hold ang duha ka lalaki kansa nibalik sa lugar nga may bitbit nga pala kansa mao untay maglubong sa patay nga lawas sa lugar. Sa karon duna nay ginaimbistigahan ang PNP kalabutan sa maong insidente ug ila pang gitumbok ang ginikanan sa bag-ong himugso nga bata nga una nang nakaplagang patay.
