NAGPAILA-ILA na sa publiko ang bag-ong City Legal Officer sa Local Government Unit sa General Santos City nga nagsugod sa iyang serbisyo epektibo Hulyo 1 sa kasamtangan nga tuig.
Ang bag-ong City Legal Officer mao si Atty. Francisco M. Gacal nga mas ilado sa bansagon nga Atty. Bong Gacal sa nakaila kaniya.
Sa paghinabi sa Brigada patrollers kay Gacal sumala niini nga abli ang iyang buhatan sa publiko nga nagkinahanglan ug legal advice, tabang sa mga legal documents sa korte o real estate transactions apan dili sila maka-represent sa korte.
Gidugang ni Gacal nga gi-anak siya sa Maitum unya sa Gensan na nagdaku ug nag-eskwela hangtud nahimong abugado, ang iyang kaliwat naggikan sa Ilocano ug Tagalog, magulang nga igsuon niini ang kanhi konsehal nga si Atty. Franklin Gacal Jr.
Nagikan sa siya sa private practice isip abugado hangtud nga nakatrabaho sa Senado sa legal ug financial matters ilawom sa opisina ni kanhi Senador Manny Pacquiao ug gi-appoint ni Mayor Lorelie Pacquiao sa bag-o niini nga position.
Samtang nagpabilin usab nga Assistant City Legal Officer si Atty. Marithes Taniegra, sumala kay Taniegra nga ang uban nila nga serbisyo mao ang pagpangabogar kon adunay kaso nga ipasaka ang syudad o kaha adunay mokaso,mag imbestiga usab sila sa mga kaso nga gipasaka batok sa mga emepleyado unya naga0conduct ug trainings sa mga Lupon sa Barangay ug maghatag og Legal Opinion. I Ver Diazon
