Ro bag ong sementadong Aklan West Road sa Barangay Habana at Barangay Libertad sa banwa it Nabas, Aklan nga inayos it Aklan District Engineering Office it Department of Public Works and Highways (DPWH), ro nagpanami sa koneksyon ag nagtao it salbar nga pagbiyahe sa mga lokal ag turista.
Ro P35.4-million nga proyekto nga nagasakop sa 6.32 kilometers, ro nagpabag o sa Aklan West Road padueong sa sangka maayos nga ruta.
Kaeakip sa nasambit nga inisyatibo ro paggamit it puti ag dueaw nga reflectorized thermoplastic markings, para masiguro ro safety it mga motorista ag pedestrians, eabi eon sa mga nagabiyahe sa gabii. // ANN DESLENE SALAZAR
