Nakahunong karon sa lock-up cell ang 49-anyos nga babayi matapos ginserbihan sang warrant of arrest sa Barangay Poblacion Norte, Ivisan Capiz.
Ginkilala ang akusado kay Menzi Barrios, 49-anyos, kasado, kag residente sang San Felipe Neri Subd. Barangay Sta. Cruz, Ivisan, Capiz.
Nagapangatubang sang patong-patong nga kaso nga qualified theft ang suspek nga pirmado ni Hon. Kristine B. Tiangco-Vinculado, Presiding Judge, RTC Branch 16, Roxas City, Capiz, napetsahan Hunyo 5, 2023 kag may ginrekomendar nga piyansa nga P10,000 sa kada panumbungon nga ginpasaka sa iya.
Samtang, P6,000 naman ang ginrekomendar nga piyansa sang korte sa warrant of arrest nga ginpapanaog ni Hon. Ramces Jhon H. Honrado, Presiding Judge, sang MCTC Dao-Ivisan, Dao, Capiz sa kaso man nga pagpangawat
Sa karon nagapabilin ini sa kostudiya sang Ivisan Municipal Police Station para sa nagakaigo nga disposisyon kag natalana nga igaturn-over sa iya court of origin. | KMD Gicalde
