Arestado ang isa ka babayi nga fish vendor kag tatlo ka lalaki matapos ginkasahan sang drug buybust operation sang gintingub nga pwersa sang Capiz-PPDEU, Tapaz kag Dumalag SDET, takna alas 10:48 kagab-i sang Huwebes, Marso 9 sa Barangay Switch, Tapaz, Capiz.
Ginkilala ang mga naaresto nga sanday Rosie Gascon, 40-anyos, Raymund Galagate, 35-anyos, Arnel Fabayos, 35-anyos kag Jerson Liaban, 22-anyos lunsay residente sang nasambit nga banwa.
Narekober sa posisyon kag paghinakop sang mga suspek ang 10 tanan ka sachets sang ginasuspetsahan shabu, 2 ka unit sang cellphone kag empty foundation container.
Ginabanta nga nagabug-at sang 10 gramos ang mga suspected shabu kag nagabalor tanan sang P68,000.
Magapangatubang sang kaso nga paglapas sa RA 9165 ukon Comrehensive Dangerous Drugs Act of 2002 ang nasambit nga mga persona.
Sa karon, nagapabilin ang mga ini sa kustodiya sang Tapaz PNP kag natalana nga ipaidalom sa drug test. | Judy Ann Juare
