LEGAZPI CITY – Arestado an sarong babaying may kinakahampang na kasong adultery sa siyudad kan Legazpi.
Binisto an akusado na si alyas “Richelle,” 48 anyos asin residente kan Brgy. 187, Pasay City.
Inarestar ini sa kusog kan mandahamiento de aresto para sa nasambitan na kaso na inisyu kan MTC Branch 44, Pasay City na pirmado kan Hulyo 19 kan nakalihis na taon.
Maabot man sa PHP36,000 an piyansang inirekomendar kan korte para sa saiyang temporamenteng libertad.
Sa ngunyan, nasa kustodiya na ini kan Legazpi CPS para sa magkakanigong disposisyon asin dokumentasyon.
