GIDAKOP sa Lagao PNP ang usa ka wanted person nga si alyas Heart gumikan sa kaso nga may kalabotan sa ginadili nga druga Mayo 13 sa kasamtangan nga tuig.
Subay sa talaan sa presento tres ang gidakop usa ka 40-anyos nga babaye nga nagapuyo sa Susana Homes, Barangay Lagao, General Santos City.
Ang kaso may kalabotan sa Section 5 ug Section 11 sa RA 9165 samtang walay pyansa nga girekomenda ang korte alang sa temporaryo niini nga kagawasan.
Gihimo ang pagsilbi sa kamandoan sa korte Mayo 13 sa hapon sa Nursery Road, Lagao.
Sa karon anaa sa kustodiya sa Lagao Police Station ang dinakpan. I Ver Diazon