Arestado ro sangka babaye nga ginasugid nga nagpanakaw it kwarta nga P20,000 halin sa sangka Chinese national sa D’Mall de Boracay, Balabag, Malay, Aklan ku November 19, 2023.
Ro suspek hay sangka 63 anyos nga lola nga native it Suba Poblacion, Cebu City.
Base sa police report, samtang nagatikang ro biktima ag ro anang pamilya sa atubang it sangka souvenir shop kat palibutan imaw it daywa ka babaye ag ginbuoe it sambilog ro anang kwarta halin sa anang kulay gray nga sling bag.
Insigida man nga nagsabat ro Malay PNP ag naaresto ro sambilog sa daywa ka suspek nga kulong makarun para sa nagakaigu nga disposisyon. // ANN DESLENE SALAZAR
