Nag angkon it igu sa anang pa-a ro sangka babaye matapos segun nga mabiktima it pagpamaril.
Natabo ro insidente kabii sa Brgy. Fatima, New Washington, Aklan partikular sa pabahay Block 22 lot 13 unit.
Ginkilaea ro biktimang si Joellyn Parcezita 53yo ag residente sa nasambit nga lugar.
Sa report, may nagtawag segun sa guwa it baeay it biktima samtang sanda hay naga ihapon ag kat buksan hay gulpi eon lang nabatian ro eupok ag dikara eon nakita nga may igu ro biktima.
Sa interview it BRIGADA NEWS FM KALIBO kay Brgy. Kapitan Reneboy Custodio, nagpailihir pa sa pagka Brgy Kagawad ro live-in partner it biktima ku nagtaliwan nga eleksyon ag owa man segun it kaaway ro mga raya.
Sa pagresponde segun it barangay council ag kapulisan sa baeay it biktima hay nakakita sanda it daywa ka basiyo it bala it 45 calibre nga baril.
Padayun man ro ginahimo nga imbestigasyun it New Washington PNP sa insidente samtang padayun nga ginabueong sa ospital ro biktima. // ANN DESLENE SALAZAR
