Tanggong karon sa prisohan ang usa ka babae human sa gikasang drug buy bust operation sa kapolisan sa Barangay Calinan, Davao City.
Ang suspek gidakop sa mga sakop sa Calinan Police Station kinsa giilang si Dallie Robles, 43-anyos residente sa nasangpit nga barangay kinsa gitudlong top 3 sa drug watchlist sa maong kapolisan.
Atol sa operasyon nakuha gikan kaniya ang gitoohang shabu nga mubalor sa P1,000 og laing duha ka pakete sa susamang droga.
Tanggong na karon sa prisohan ang suspek kinsa gipasakaan na og kasong paglapas sa R.A 9165 o Comprehensive Dangerous Drugs Act of 2002. BNFM-Davao
