Patay ang isang babae matapos holdapin at saksakin ng nakasalubong nitong lalaki habang tinatahak ang daanan sa may Golf Village Brgy. Upper Calarian hueves ng hapon sa lungsod ng Zamboanga.
Hawak na ng mga pulis ang suspek kung saan positibong kinilala bilang si Arjay Ramos De Leon na siyang tinuturong nangholdap at nakapatay sa biktimang si Pearly Armento Dones, 28 anyos na pawang residente ng naturang lugar.
Batay sa ulat ng Zamboanga City Police Station 8 Sinunuc patungo ng tindahan ang nasabing biktima upang bumili ng tanghalian nang nakasalubong ang suspek at tinangay ang bag nito na may lamang pera at cellphone at sunod na pinagsasak ang biktima sa ibat ibang bahagi ng katawan.
Natagpuan ng mga residente ang bangkay alas-01:30 na ng hapon ng nasabi ring petsa at inireport sa mga pulis na nagsagawa ng follow-up operation na nagresulta sa pagkakadakip sa naturang suspek. Guen Delos Santos
