NAGA CITY –Makakatanggap ng kaunting ayuda mula sa Department of Social Welfare and Development ang nasa 500 na mga magsasaka sa Naga City na naapektuhan ng matinding init ng panahon o ng El Niño Phenomenon na nagresulta para bumaba ang kita ng mga ito sa kanilang mga na ibentang agricultural products gaya ng palay, mais at mga gulayin.
Ang sinasabing ayuda ay ipapamahagi ng City Social Welfare and Development Office sa oras na dumating na kinabibilangan ito ng mga bigas at food packs na laging ipinamimigay tuwing may kalamidad sa mga taga barangay.
Batay sa panayam ng Brigada News FM Naga kay Annabelle Vargas, head ng CSWDO, sinabi nitong pinoproseso na nila ang mga requirements na kailangang isumite sa DSWD na alam nilang madali namang maipadala dahil sa kakaunti lang naman ang bilang ng mga magsasaka sa lungsod.
