Naghinay ro pagkalat it African Swine Fever (ASF) sa mga infected nga lugar sa probinsiya it Iloilo, partikular sa mga banwa it Oton at San Miguel.
Suno kay Iloilo provincial veterinarian, Dr. Darel Tabuada, bukod sa mga paagi ag pagstrikto nga binutang, isaea sa mga rason sa paghinay it pagkalat it impeksyon hay ro pagnaba it populasyon it mga baboy.
Ro Oton ro unang banwa sa probinsiya it Iloilo ag sa Kanlurang Visayas nga nagtala it mga positibong kaso it ASF nga sa makara, 31 sa 37 barangay kara ro nakapagtala it 206 sample nga nagpositibo sa ASF.
Suno kay Tabuada, sa sueod it pilang adlaw, uwa it haitalang kaso it ASF sa mga hatapnan nga barangay maliban sa pinaka-ulihing kaso sa Barangay Lambuyao sobra sa isaeang dominggo eon du lumipas.//LABYRINTH R. BAYONA
Photo credit: Department of Agriculture
