Nanunggo sa isaeang tricycle ro isaeang motorsiklo nga namatay kara du isaeang tawo ag sambatong ninahan bandang alas-6 it gabi ku Huwebes, Nobyembre 17 sa Barangay Salvacion, Buenavista.
Gin kilaea ro namatay nga si Phrime Rose Acosta, 34-anyos, samtang ro driver it motorsiklo hay ro anang asawang si Adam Lynwyn Acosta, 37, ninahan ag kapwa residente it Barangay Gaban, banwa it San Lorenzo.
Gadinali si Adam matapos umanong testingan kara nga tumakas sa isaeang checkpoint ugaling nanunggo sa papaabot nga tricycle nga gina maneho ni Reynaldo Olarte, 42, it Barangay Salvacion, suno kay Buenavista Municipal Police Station (MPS) chief nga si Police Major Jeffrey Ferrer.
Si Phrime Rose hay uwa it suksok nga helmet ag nahuslog imaw pagkanunggo, dugang ni Ferrer.
Samtang, hinambae ni Ferrer nga tanawon nanda ro alegasyon nga nagtakas sa checkpoint ro mag-asawang Acosta ag gina eagas it mga pulis.
Padayon ro imbestigasyon ag ginasayud pa it pulisya kung ro motorcycle driver hay hilong.//LABYRINTH R. BAYONA
