Tuloy pa rin ang trabaho at appointment ni Larry Gadon bilang Presidential Adviser on Poverty Alleviation (PAPA).
Ito ang idiniin ni Executive Sec. Lucas Bersamin sa kabila ng unanimous decision ng Korte Suprema na i-disbar na si Gadon bilang isang abugado.
Sa isang pahayag, sinabi ni Bersamin na batid na nila ang naturang desisyon ng Kataastaasang Hukuman.
Sa kabila nito, naiintindihan daw ng Pangulo na hindi naman makaaapekto ang legal profession status ni Gadon para sa pagsisilbi niya bilang anti-poverty-czar.
Kumpiyansa rin daw ang Pangulo na magging mabuti ang kaniyang trabaho.
Sabi ni Bersamin, tuloy ang trabaho ni Gadon bilang PAPA lalo na’t mayroong mahalagang tungkulin ang bagong secretary para mapagtagumpayan ang anti-poverty programs ng administrasyon.
