Makaalarma suno kay PSSgt. Jane Vega, Public Information officer it APPO ro insidente it panakawan iya sa banwa it Kalibo. Pero nagapati segun sanda nga pinaagi sa security ag safety, ag pag-tandem sa law enforcement, masolusyunan gid ro insidente it panakawan.
Angot man sa pila ka insidente it pagpamaril nga nagakatabo, makabig pa segun gihapon raya nga isolated cases base sa andang intelligence gathering, pero padayun segun ro pag imbestiga it mga kapulisan.
Sa kampanya it illegal nga droga, ro mga pamatan-on ro ginatutukan it mga kapulisan kapin hay nagbalik eon ro mga unga sa klase. Nagapatigayun segun ro mga pulis it dayalogo sa mga eskwelahan sa Aklan para eamang makatao it awareness sa mga pamatan on kung paaano malikawan ro illegal nga droga. // ANN DESLENE SALAZAR
