Ginlunsar eon it Bureau of Quarantine (BOQ)-Iloilo ro OBS okun online booking system application para sa International Certificate of Vaccination (ICV).
Raya hay mas kilaea nga yellow card, nga gina-isyu sa mga travelers nga magapadueong sa mga nasyun nga naga-require it pamatuod nga fully vaccinated kontra sa COVID-19 ro sangka indibidwal.
Pero ginklaro nga raya hay bukon it mandatory.
Base sa pamunuan it BOQ-Iloilo, ginhayag kara nga may tatlong satellite stations sa Western Visayas ag raya hay sa Iloilo, iya sa banwa it Kalibo, ag sa Bacolod.
Para man sa mga online applicants, pwedeng mag-book it appointment sa website it BOQ o bisitahun man ro Facebook page nga Bureau of Quarantine Iloilo ag kinhangean nga personal nga boe-on ro yellow card sa BOQ ag magdaea it LGU o hospital-issued vaccination card ag LGU-issued vaccine certificate.
Indi man pagbatunon ro walk-ins bangud system-generated ro proseso ag may pagabayaran nga P370. / ANN DESLENE SALAZAR
