Maga-umpisa na ang provincial government sa liwat nga pagbukas sang aplikasyon para sa Comprehensive Assistance Program for Identified Scholars (CAPIS) para sa school year 2024-2025.
Sandig sa abiso sang CAPIS, sumugod Hulyo 1, 2024 magabaton na sila sang aplikante sa tanan nga lebel sa kolehiyo, sarang makakuha sang form sang mga interesado nga applicants sa opisina sang CAPIS Secretariat 3rd Floor sang Capiz Provincial Capitol ukon mahimo madownload pinaagi sa ila fb page nga link.
Kinahanglan nga ma-comply sang aplikante ang duly accomplished nga application form nga may 1×1 picture; photocopy sang certificate of live birth; barangay certificate of residency; photocopy sang report card ukon photocopy sang college registration form para sa 1st year college kag photocopy sang college registration form para naman sa 2nd-4th year college nga mga aplikante. | Ken Mark Gicalde
