LEGAZPI CITY – Ngunyan an ultimong aldaw kan aplikasyon para sa Education for Development Scholarship Program (EDSP) kan Overseas Worker’s Welfare Administration (OWWA).
Ini an kinumpirmar ni Nika Matugas, Labor Commission Officer kan OWWA Bicol sa Brigada News FM Legazpi.
Segun kay Matugas, kan Nobyembre 20 pa nagbukas an aplikasyon, asin sa ngunyan nasa poko mas omenos 600 na an mga aplikante.
An nasambit na programa, pig-oopresir kan OWWA para sa mga dependents kan aktibong OWWA members na nag-aadal sa kolehiyo. Nasa PHP60,000 na kantidad nin scholarship grant an itatao para sa mga benepisyaryo kun sain PHP30,000 an kada semestre.
Nganing ma-avail ini, kinakaipuhan na an dependents, igwa nin general weighted average na dai mababa sa 85%.
Pag-abot naman sa edad, duwang kategorya su boot an nasa EDSP: para sa incoming first year college, 21 anyos pataas, mantang para sa mga presenteng nasa 2nd year hasta 5th year sa kolehiyo, dai dapat malangkaw sa 30 anyos.
