Arestado ng Provincial Drug Enforcement Unit sa pangunguna ni PLt. Niňo Ryan Opinga at ng San Marcelino Municipal Police Station sa pangunguna nu PLt. Felix Laron ang apat na drug suspect sa Purok-4, Barangay Rabanes, San Marcelino, Zambales
Ito ay matapos ang buy bust operation na isinagawa ng mga otoridad laban sa mga suspek na kinabibilangan ng dalawang babae at dalawang lalaki.
Nakuha sa mga suspek ang mahigit 20 gramo ng pinaghihinalaang shabu mula sa 29 na sachet sa kabuuan, buy bust money at mga drug paraphernalia.
Samantala nasa kustodiya na ng mga otoridad ang mga suspek at nahaharap sa kasong paglabag sa RA 9165.//Jeff Valdez-BNFM Olongapo
