Ginabanta nga yara sa 18,000 ang inisyal nga mga pirma nga natipon nagikan sa apat ka kabanwahanan sa probinsya sang Capiz may kaangtanan sa pagduso sang Charter Change.
Ini ang ginkumpirma ni Atty. Will Arceño, Provincial Comelec Supervisor sang ma-interview sang Brigada News FM Roxas City.
Suno kay Arceño, ang banwa sang Dumarao ang nakatipon sang 6,582; Sapian – 2,143; Dumalag – 4,657 kag Sigma – 4,270, samtang ang sa banwa sang Jamindan ang ginahulat pa.
Ginpahayag pa sini, nga 3% lamang sang numero sang regular nga rehistrado nga botante sa kada distrito kag 12% sa bug-os nga pungsod ang kinahanglanon agud maduso ang People’s Initiative para sa Cha-cha. | Judy Ann Juare
