LEGAZPI CITY – Kinumpirmar kan Albay Provincial Agricultures Office (APAO) na wara pa sinda ki nareresibeng report kun igwa na ki naaapektarang mga parasisira durante sa dry spell na naeeksperyensyahan kan nagkapirang mga munisipyo sa probinsya.
Segun kay Assistant Provincial Agriculturist Daryl John Buenconsejo, padagos an pagpagirumdom ninda sa mga igwa nin eksistidong fish ponds asin aquaculture na pirming riparuhon an lebel kan tubig na dapat dai magbaba sa 1 meter.
Apwera digdi, pinapagirumdoman man ninda an mga parasisira na dai pagdakulan an pagbuhi ki mga fingerlings nganing maibetaran an overcrowding na iyo an nagkakawsa ki fish kill.