Nagapdayon nga negatibo sa banta it bird flu virus ro probinsiya it Antique, base raya sa ginpaguwa nga resulta it mga samples nga ginpa-idaeom sa laboratory examination it Department of Agriculture (DA) central office.
Ro sample it mga dugo it mga manok hay naghalin sa banwa it Sibalom kung siin Makita ro pinakamabahoe nga numero it mga manok ag sapat sa probinsiya.
Base sa Antique Provincial Veterinary (ProVet) ro resulta it pagsubaybay sa 72 sample it dugo hay nagpakita it negatibong resulta.
Sa presente, nagpaguwa ro gobyerno probinsiyal it Executive Order (EO) No. 58 nga nagapalawig sa pagbawae it pagsuod sa tanan nga mga produktong manok ag iban pa nga mga pispis kaibahan eun dikara ro karne, semilya, ag higko sa tanan nga rehiyon sa probinsiya./JIL B. LACSO
