NAGHATAG dugang pagpaklaro ang labaw sa Comelec Gensan kalabot sa adlaw sa filing sa Certificate of Candidacy sa umaabot nga October 1-8 2021 alayon sa Resolution Number 10717.
Sumala kay Atty. Sittie Sharmanaine Garangan nga ang ginasulti sa mao nga resolusyon kalabot sa Antigen Test wala kini gina-require sa mga local nga kandidato kondi sa national candidates lamang.
Samtang aron masunod ang health protocol ang matag kandidato ginatugotan og usa hangtud duha ka escorts ug dili mosubra aron dili magdasok ang mga tawo sa opisina sa Comelec.
Samtang dapat tama ug kompleto ang pag-fillup sa form ug may wallet size picture ug may documentary stamp kon tag 30 pesos pwede isa lang samtang kon tag kinse pesos duha ka stamp.
Gipahinumdom usab ni Atty. Garangan ang mag-file og Certificate of Candidacy dapat magdala og kaugalingon nga ballpen, facemask, faceshield, moagi sila sa temperature, sanitation area mag-alcohol ug kamot aron likay Covid-19 Virus.
Subay sa Resolution no 10717 nagsulti nga ang filing sa CoC sa October 1-8 alas otso sa buntag hantud alas 5 sa hapon alang sa Presidential, Vice Presidential, senatorial ug local positions. ( Ever Diazon)
