Tagumpay si Jerwin Ancajas na makuha ang una niyang super-bantamweight win sa 8-round fight na ginawa sa Armory, Minneapolis, Minnesota.
Tinalo ng former IBF super-flyweight champion via fifth round knockout si Wilner Soto ng Colombia.
Pinaluhod ni Ancajas si Soto matapos na hindi kayanin ang sunod-sunod na suntok sa kanyang tiyan ng Pinoy boxer.
Tumaas ngayon ang record ni Jerwin sa 34-3-2 na mayroong 23 KOs.
Samantala, bigo naman maagaw ni Jade Bornea ang IBF junior bantamweight title mula sa champion na si Fernando Martinez ng Argentina sa 12-round fight.
Hininto ang laban sa 11th round dahil sa naging injury sa kanang tenga ni Bornea.//CA
