Napasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang isa ka anay priso nga gin-implementaran sang search warrant kag nakuhaan sang shabu sang mga kapulisan sa Brgy. Malocloc Norte, Ivisan, Capiz.
Matandaan, ginkilala ang suspetsado kay alyas Kasper, 32-anyos, may live-in partner kag residente sang nasambit nga lugar.
Narekober sa iya paghinakop kag kontrol ang anom (6) ka sachets sang ginasuspetsahan shabu kag pila ka mga drug paraphernalia.
Ginabanta nagabug-at tanan sang 10 gramos ang nakumpiskar nga iligal nga droga kag may Standard Drug Price nga P68,000.
Sa karon, nagapabilin ini sa Ivisan PNP para sa nagakaigo nga disposisyon. | Judy Ann Juare
