Balik prisohan ang isa ka anay priso matapos liwat nga nadakpan sang mga otoridad nga nagaduso sang iligal nga droga sa Brgy. Punta Tabuc, Roxas City takna alas 2:08 kahapon sang Lunes, Nobyembre 6.
Ginkilala ang suspetsado kay Jude Thadeuos Roxas, 51-anyos, residente sang Rizal Street, Roxas City kag ginakabig nga Street Level Individual (SLI).
Narekober sa paghinakop kag kontrol ni Roxas ang lima tanan ka sachets sang ginasuspetsahan shabu lakip na ang nabakal sang police poseur buyer, P6,500 nga buy-bust money kag isa ka coin purse nga nagaduag brown.
Nahibaluan nga anay napriso man sa kasubong nga buluhaton si Roxas apang ini ang nakaguwa matapos nag-avail sang plea bargaining agreement.
Sa karon, nagapabilin ini sa kustodiya sang Roxas City PNP kag natalana nga pasakaan sang nagakaigo nga panumbungon. | Judy Ann Juare
