Nagaduhong sa karon sa sulod sang karsel sang Tapaz Municipal Police Station ang isa ka anay call center agent matapos nadakpan sa ginkasa nga drug buy bust operation sa Barangay Daan Banwa, Tapaz, Capiz pasado alas 11:00 kagab-i sang Sabado, Hulyo 27.
Ginkilala ang nadakpan kay alyas “Yan-yan”, 31-anyos kag residente man sang nasambit nga lugar.
Nakuha sa iya paghinakop ang tatlo tanan ka sachets sang ginasuspetsahan shabu lakip na ang nabakal sang police poseur buyer, P1,700 nga buy-bust money, itom nga kahita kag lighter. Ginabanta nagabug-at sang 15 gramos ang nakumpiskar nga iligal nga droga.
Natalana naman ini nga pasakaan sang nagakaigo nga panumbungon buwas nga adlaw sang Lunes, Hulyo 29. | Judy Ann Juare
