Nagkadugo ang anak ug amahan dihang naabtan sa Brigada human matud pa nag-away sa ilang balay sa Crossing Conel ning siyudad alas-3 sa kaadlawon, Hulyo 19.
Samdan sa too nga bahin sa kamot si Michael Mundo, 35-anyos, anak, human kini gitigbas sa iyang amahan nga si Benjamin Mundo, 62 anyos, pulos residente sa Crossing Conel, Gensan.
Sa report sa kapulisan, gipatala ni Michael ang iyang amahan tungod sa pagtigbas niini sa iyang kamot.
Apan pagka taud-taud niabot usab si Benjamin nga duna usab samad sa wala nga kamot human gibunalan og dos 4 dos sa iyang anak.
Gisaysay ni Benjamin sa Brigada nga hubog ang iyang anak og nagmaoy sa ilang balay mao nga wala niya gipasulod, apan gibunal-bunalan ni Michael og kahoy ang ilang jealousy.
Gidugang ni Benjamin nga iyaha gayod kasuhan ang iyang anak gumikan kanunay lang sila ginamauyan kung mahubog.
Nasayran nga naka-damyos na usab ang iyang anak sa usa ka parmasya sa Crossing Conel sa dihang nahubog.
Sa Kasamtangan anaa sa kustodiya sa Lagao Police station ang amahan samtang si Michael gidala na sa Dr. Jorge P. Royeca Hospital.
Photo: Si Michael Mundo, ang anak nga natigbasan sa amahan.
