Pormal nang inihain ngayong araw ng Magdalo Partylist ang kanilang certificate of nomination and acceptance para sa paparating na midterm election.
Kung saan si dating Congressman Gary Alejano ang first nominee nito at kasama niya rito sina Eugene Gonzales, Yvonne Jereza at pito pang iba.
Samantala, sumama naman din si dating senador Antonio Trillanes IV sa paghahain dito bilang pagpapakita niya ng kanyang suporta sa partido.
Ayon kay Alejano, kung sakaling makabalik sila sa pwesto ay handa silang maghain ng impeachment case laban kay Vice President Sara Duterte.
Maalala, ang partidong ito kasama si Trillanes ang nagsampa ng kaso sa International Criminal Courts laban kay dating pangulong Rodrigo Duterte dahil sa extrajudicial killing.
