BNFM BICOL—Inihayag ng pamunuan ng Albay Provincial Health Office na patuloy silang maghahatid ng serbisyo medikal sa iba’t-ibang bahagi ng probinsya.
Sa isang panayam, sinabi ni Dr. Estela Zenit – na umabot na sa mahigit 50,000 na mga Albayano ang kanilang nabigyan ng medical services mula sa iba’t-ibang mga barangay sa lalawigan, sakabila ito ng nagpapatuloy na COVID-19 pandemic.
Batay aniya sakanilang datus, pinakamarami ang nabenipisyuhan ng kanilang libreng medical consultation na umabot sa 26,318; nasa 10,539 naman ang nabigyan ng optical assistance ; 9,618 sa dental services; 4,275 ang nabenipisyuhan ng libreng tuli habang nasa 1,699 naman ang nakapag avail ng libreng laboratory exams.
Pagbibigay diin ng opisyal, patuloy na magsusumikap ang PHO upang maihatid sa publiko ang kanilang serbisyo higit na sa mga nangangailangan.###
