LEGAZPI CITY – Nagsagibo nin pagtiripon an mga personahes kan Albay Provincial Health Office (PHO) asin Department of Health Bicol Center for Health Development (DOH Bicol CHD), para pag-orolayan an Province-Wide Annual Operational Plan (AOP) 2025 kan probinsya kan Albay.
Kaiba an Appraisal Team DOH CHD Bicol, ipigpresentar kan Albay PHO an AOP 2025, kun sain obheto kaining maasigurar na an mga lokal na priyoridad na proyekto/major thrust kan Probinsya, Munisipalidad, asin Component Cities, iyo an maresolbar sa mga priority problem na nahiling kan mga LGU sa Health Situational asin Gap Analysis.
Bago man an nasambit na aktibidad, an AOP 2025 masairarom pa subuot sa proseso kan Gobyerno Probinsyal. Nagtao man nin technical assistance an Provincial DOH Office sa nasambit na aktibidad.
