LEGAZPI CITY – Pangatulo an probinsya kan Albay pag-abot sa may pinakadakol na kantidad nin iligal na droga na nakolektar kan Philippine National Police – Police Regional Office 5 sa bilog na rehiyon kan Bicol kan nakalihis na bulan nin Pebrero.
Basado ini sa datos kan ahensya, kun sain uminabot ini sa kantidad na labi 3 million pesos.
Mantang pinakadakol asin nangengenot an probinsya kan Camarine Norte na may labi 15 million pesos, sunod an Camarines Sur na may labi 5 million pesos, suminunod sa Albay an Naga City na nasa haros 2 million pesos, Masbate na may labi sa 1 million pesos, sunod an Sorsogon na may labi 900,000 pesos asin pinakahababa an Catanduanes na may 1,700 pesos.
Ini sa paagi kan saindang operasyon na nagresulta sa pagkakaarestar nin nasa kabilugang 133 persona sa bilog na bulan.
