LEGAZPI CITY – Mapaapod nin urgent meeting si Albay Governor Atty. Edcel Greco Lagman sa mga namamayo kan nagkapirang mga departamento para sa posibleng educational partnership sa China.
An plano, katakod kan paghagad nin suhestiyon kan probinsya sa Guizhou, China sa pag-identipikar ki duwa hasta tulong mga unibersidad para sa posibleng educational partnership.
Kaiba sa mga mawot na makaolay kan gobernador asin mahagadan nin suhestiyon an mga opisina kan Provincial Education Department (PED), Public Employment Service Office (PESO) Albay, Provincial Planning and Development Office (PPDO) asin si COS Dante Lagman.
Huli kaini, mahanap subuot an probisnya nin mga pwedesir na mga kurso na may kinaaraman sa agriculture, engineering asin automotive studies.
Segun pa sa gobernador, an pagpapaapod sa mga pamayo kan nasabing mga opisina, ikokonsiderar niyang urgent asin kaipuhan na maaksyunan ngonyan na semana.
