Gin tawag nga “Angel” ru sangka Aklanon care giver matapos maka salbar it sangka 7 yrs.old nga ungang eaeaki matapos madunlan it tinapay samtang naga sakay sa bus sa Israel.
Nakilaea ru Aklanon Caregiver nga si Juliet Zonio, sa legal nga edad ag residente it Brgy. Alfonso 12, Libacao, Aklan.
Sa interview it BRIGADA News FM Kalibo kay Juliet Zonio, natabo ru insidente samtang naga sakay imaw sa sangka bus sa lugar it Israel.
Aksidenting nadunlan ru biktima it tinapay samtang naga kaon samtang maeapit eon sa bus stop.
Uwa it nagbulig nga kalahing Israelites rason nga bolunatryo imaw nga nagbulig para ma survived ru biktima.
Gin himo na ru first aid ag na salbar ru kabuhi it unga.
Ikara gin pasaeamatan it pamilya ag gin palakpakan si Zonio samtang sa sueod it bus dahil sa anang hinimu-an.
Tuman eon lang nakibot si Maam Juliet Zonio nga halin sa kilaea, manggaranon ag sangka pribadong pamilya ru biktima rason nga limitado ru nabuoe nga impormasyon sa pamilya it biktima.
Bilang pagpsaeamat it pamilya ku naisalbang kabuhi, gin inusoy it pamilya si Mam Juliet Zonio para taw-an it pabuya ag pagkilaea.
Apang hugot na nga gin pamalibaran dahil para kana, uwat katumbas ru bulig ng anang gin tao sa biktima para maisalba ru kabuhi.
Bilin ni Man Juliet sa mga OFW s, magtiyaga, magpakaboot, makisama, kun gustong taw-an it mayad nga kinabukasan ru mga unga sa Pilipinas dahil sa ulih maabot man ru kaginhawahan pinaagi sa pag tiis.
