Naga pabilin nga zero case sa COVID-19 ru probinsya’t Aklan kahapon, December 26.
Sa datos it PESU-Aklan, sa 26 ka mga individual nga gin paidaeom sa sample testing, uwa it nag positibo sa deadly virus.
Samtang, kun paga basehan ru datos it DOH6 sa kabilugan nga Western Visayas, may bag-ong 6 nga kaso sa bilog nga region6.
Sa kabilugan, naga-abot sa 146,150 nga kaso it COVID-19 sa rehiyon 6 nga may 2,048 active cases.
Naga-abot man sa 139,358 ru total recoveries ag 4,688 ru total deaths.
Ru positibong kaso hay halin sa Iloilo Province; Nergos Occidental; ag Bacolod City nga may tag-2.
Samtang, uwa man it may naidugang nga kaso sa probinsya’t Antique, Capiz, Guimaras, ag Iloilo City.//MARIVIC Y. ILIN
