KALIBO, AKLAN—Owa eon it nailistang personnel do Aklan State University nga nagpositibo sa coronavirus disease 2019 (COVID-19).
Raya hay base sa ginpaguwa nga public advisory it nasambit nga unibersidad.
Suno sa pamunuan it ASU, owa man eon it mga high risk contacts matapos do ginpatigayon nga maid-id nga contact tracing ag do local transmission sa Banga, Makato, Kalibo, New Washington ag Ibajay campuses hay na-contain eon.
Samantang, do iba sa andang mga personnel nga dinapuan it deadly virus hay nakarecover eon ag do iba nga natapnan hay padayon pa nga nagapamayad.
Kung madumduman, do director it Research and Development Services it ASU hay namatay matapos tinamaan it virus kung siin natapnan man kara do iba pang personnel it unibersidad. // SHERRY ANNE REUNIR-VIDAL
