Sangka Memorandum of Understanding ro ginpirmahan sa tunga it Aklan Provincial Government ag Human Resources Development (HRD) Service of Korea para sa pagbutang it Employment Permit System – Test on Proficiency in Korean (EPS-TOPIK) Exam Center sa probinsya it Aklan.
Sa pagpanguna ni Governor Jose Enrique ‘Joen’ Miraflores ag Vice President for Foreign Workforce and Global Employment of HRD Korea nga si Mr. Kim Sungjae, nagkasugot ro Aklan ag nasyung Korea nga makabutang it EPS-TOPIK Exam Center sa Aklan.
Gintaw-an man it pagkilaea ro 4 nga mga Aklanon nga nagpakita it abilidad ag kaaeam pag abot sa Welding Training Program ag Korean Language kung siin, ro 1st Place hay nakabatun it P10,000, P5,000 para sa 2nd Place, ag tig P2,000 para sa 3rd ag 4th Place.
Tinutuyo it nasambit nga Exam Center nga mabuligan ro mga Aklanon nga gustong magtrabaho sa Korea ag mapabaskug pa ro andang ikasarang sa Korean Language. // ANN DESLENE SALAZAR
