Hugot nga ginamonitor it PNP Internal Affairs Service sa Aklan ro pilang PNP Personnel nga naga serbi bilang bodyguard o security guard sa sin-uman nga incumbent, opisyal o kandidato sa nagahilapit nga Barangay ag Sangguniang Kabataan Election.
Raya ro pahayag ni Police Lt. Bernie Cantomayor, OIC it Aklan Provincial Internal Affairs Service sa interview kana it BRIGADA NEWS FM KALIBO.
Nasayuran nga may direktiba halin sa National Internal Affairs Service kaangot sa Oplan Bantay Kapulisan 03-BSKE 2023.
Suno kay Cantomayor, ku September 3, hay nakipag-coordinate eon imaw kay Atty. Robert Salazar, Provincial Election Supervisor it COMELEC Aklan ag nagpangayo imaw it listahan it PNP personnel nga otorisado nga maging bodyguard pero suno segun kay Salazar, iya sa Aklan hay owa it pulis nga gin-otorisa nga maging bodyguard it pulitiko.
Ginhayag pa ni Cantomayor nga tanan nga Chief of Police sa 17 banwa sa Aklan, force commander it 1st ag 2nd provincial mobile force ag maging si Provincial Director Police Col. Victorino Romanillos Jr., hay nagsumite eon it andang duly notarize certification nga owa sanda it personnel nga nagaserbing bodyguard sa nagahilapit nga BSKE 2023.
Ro sin-uman nga pulis nga nag eapas sa Napolcom memorandum Circular 2016-002 for grieve irregularity in the performance of duty hay paga kasuhan. // ANN DESLENE SALAZAR