Uman nga ginpahanumdom ro gobyerno probinsiyal it Aklan sa mga ginapatuman nga paghugot sa mga tawo nga uwa pa nabakunahan o partially vaccinated.
Ro mga uwa nabakunahan nga mga empleyado, anuman ro katindugan sa trabaho, hay kinahangean nga magpaidaeom sa RT-PCR test kada daywang dominggo. Ro gastos sa nasambitan nga test hay bayran mismo it mga unvaccinated nga empleyado.
Kasunod dikara, ro mga uwa pa nabakunahan nga empleyado hay indi pwedeng i-terminate pero “required” sanda nga mag-pabakuna bago makasuoed sa andang mga trabaho onsite.
Base man sa gobyerno probinsiyal, ro Executive Order No. 003 hay nagkabisa ku Enero 17, 2022, nga nagapahanumdom it mga paghugot nga ginpataw it IATF sa mga uwa pa nabakunahan ng indibidwal./JIL B. LACSON
