Nakalista ro Aklan it lima ka namatay bangud sa dog-transmitted rabies halin it Enero hasta Setyembre makarun nga dag-on.
Limang kaso it animal rabies ro nailista sa probinsya ku 2021.
Ku Agosto 2022 hay tatlo ro nailistang namatay.
Daywa man ro namatay bangud sa rabies nga nailista it Pebrero ag Setyembre, base sa Provincial Health Office-Aklan.
Sa limang kumpirmadong namatay sa rabies, ap-at kara hay mga eaeaki kung siin, daywa kara hay may edad 20 panaba.
Ro ap-at nga namatay bangud sa rabies hay bangud sa inangkit it mga ayam sa daeanon, samtang ro sambilog pang biktima hay naangkit it alagang ayam ku rayang dominggo.
Sangka 12-anyos nga unga nga baye nga nakaangkon it rabies halin sa angkit it ayam ro pinakabata nga namatay sa Aklan samtang namatay man ro sangka 53-anyos nga eaeaki bangud sa komplikasyon nga may kaangtanan sa rabies.
Gin-engganyo man ni PHO-Aklan Disease Surveillance Officer Ghek Flaviano ro mga tawong na-expose sa virus nga magpangayo it bulig sa mga animal bite center ag klinika sa mas madali nga tiempo para sa medikal nga atensyon. / ANN DESLENE SALAZAR
