Aklan, mahaba-haba pa do daean nga pagatahakon bago maabot do herd immunity

KALIBO, AKLAN—Mahaba-haba pang daean do pagatahakon it probinsya it Aklan bago maabot do ginatawag nga herd immunity.

Raya hay bangud nga maisot pa eang nga bahin it mga eligible residents do fully vaccinated sa probinsya.

Sa datos it Regional Vaccination Operations Center as of July 24, 2021, nagaabot pa eang sa 23,134 do fully vaccinated sa Aklan samtang 36,955 man nga mga indibidwal do nakabaton it andang 1^st dose it Sinovac, AstraZeneca, Gamaleya ag Jannsen.

Kaangot kara, gin engganyo ni Aklan Governor Florencio Miraflores do tanan nga mga LGU’s nga magtaeana it mas maabong vaccination sites agud nga mas maabong residente do mabakunahan kontra sa coronavirus disease.

Nasayuran nga do Department of Health hay nagtaeana it 103,652 vaccines para sa Aklan ukon 7.27% sa 1,425,650 bakuna sa Western Visayas. // SHERRY ANNE REUNIR-VIDAL

BNFM Kalibo